Ադրբեջանը չի կատարում Եվրախորհրդում ստանձնած պարտավորությունները. Human Rights Watch

2013 թվականի հունվարի 23-ին ԵԽԽՎ-ն, որն այժմ վեհաժողով է անցկացնում Ստրասբուրգում, այնտեղ ընդունել է բանաձև Ադրբեջանի իրավունքների վերաբերյալ: Բանաձևում նշված է մարդու իրավունքների խախտման մասին և կոչ է արվում Ադրբեջանի կառավարությանը ձեռնարկել բարեփոխումներ այս ասպարեզում: 

«Ադրբեջանի վերաբերյալ մտահոգիչ բանաձևի ամբողջ պատասխանատվությունը պատկանում է Ադրբեջանի կառավարությանը, որը պետք է կատարի Եվրախորհրդում ստանձնած իր պարտականությունները, և Ադրբեջանի հետ համագործակցող պետությունները պետք է պարզորոշ նշեն, թե ինչքան կարևոր են այդ քայլերը հարաբերությունների բարելավման համար»,- այս մասին նշել է Human Rights Watch-ի Հարավային Կովկասի մասնագետ Ջիորջի Ջեորջիան: 

Ադրբեջանի կառավարությունն օգտագործում է քրեական հետապնդումը քաղաքական գործիչների նկատմամբ:

ԵԽԽՎ-ն կազմված է 47 պետությունների 636 անդամներից, այդ թվում՝ նաև Ադրբեջանից, որն անդամագրվել է 2001-ին: Անդամագրվելու գխավոր նախապայմաններից մեկը քաղաքական բանտարկյալներին ազատ արձակելն է և քաղաքական հետապնդումների դադարեցնելը: 

«Անդամագրության 12 տարիների ընթացքում Ադրբեջանը ոչ միայն չի կատարել ստանձնած պարտավորությունները, այլև մեծացրել է քաղաքական բանտարկյալների թիվը»,-այս մասին նշում է Ջորջիան: 

2012 թվականի դեկտեմբերին նախագահն ազատ է արձակել 13 քաղաքական բանտարկյալի, այդ թվում՝ անհիմն ձերբակալված լրագրողների, մարդու իրավունքների պաշտպանների և այլ քաղաքական ակտիվիստների, սակայն շատերը դեռ ձերբակալված են: 

Բանաձևում նաև անհանգստություն է արտահայտում Ադրբեջանի կողմից Եվրախորհրդարանի օրենքներին չհետևելը, այդ թվում՝ եվրաստանդարտների համաձայն ընտրությունների չիրականացումը, իրավական համակարգերի անազատությունը քաղաքական ակտիվիստների և լրագրողների ձերբակալությունը: