Փորձագետ․ Իրանի բալիստիկ հրթիռները կարող են հասնել Եվրոպա

Իրանի մշակած բալիստիկ հրթիռները տեսականորեն կարող են խոցել Եվրոպայի տարածքում գտնվող թիրախներ։ Այս մասին News.ru-ին տված հարցազրույցում հայտարարել է ռազմական գիտությունների դոկտոր, առաջին աստիճանի պահեստազորի կապիտան Կոնստանտին Սիվկովը։

Նրա խոսքով՝ Իրանի և Իսրայելի միջև բախումների ընթացքում իրանական հրթիռները հաղթահարել են ավելի քան երկու հազար կիլոմետր հեռավորություն, ինչը, ըստ փորձագետի, վկայում է, որ դրանց հնարավոր հեռահարությունը կարող է հասնել երեք հազար կիլոմետրի և ավելի։ Սիվկովը նշել է, որ այդ դեպքում եվրոպական մի շարք երկրներ կարող են հայտնվել հասանելիության գոտում, ինչպես նաև հիշեցրել է Թեհրանի հայտարարությունները ամերիկյան ռազմաբազաների խոցելիության վերաբերյալ։

Փորձագետը հավելել է, որ բալիստիկ հրթիռները կարող են մանևրել թռիչքի ընթացքում, ինչը դժվարացնում է դրանց խոցումը գործող հակաօդային պաշտպանության համակարգերով։ Ավելի վաղ ամերիկյան TWZ պարբերականը չէր բացառել, որ ԱՄՆ հնարավոր ռազմական գործողությունը Իրանի դեմ կարող է տևել ոչ թե օրեր, այլ շաբաթներ՝ հաշվի առնելով Մերձավոր Արևելք տեղափոխվող ուժերի ծավալը։