Իրանի ԱԳ նախարարը Թրամփին պատասխանում է՝ ռեժիմի փոփոխությունը «անհնարին առաքելություն» է

Իրանի արտաքին գործերի նախարար Աբբաս Արաքչին հայտարարում է, որ Իսլամական Հանրապետությունում ռեժիմի փոփոխությունը «անհնարին առաքելություն» է։ Նա այդ կերպ արձագանքում է ԱՄՆ նախագահ Դոնալդ Թրամփի հայտարարություններին՝ փոխանցում է Reuters-ը։

Արաքչին միաժամանակ ընդգծում է, որ Իրանը շահագրգռված է հակամարտության դեէսկալացիայով և լարվածության նվազեցմամբ։ Նրա խոսքով՝ Թեհրանը պատրաստ է քննարկումների, սակայն չի ընդունում արտաքին միջամտությամբ իշխանափոխության փորձերը։

Ավելի վաղ Թրամփը Truth Social հարթակում հրապարակված տեսաուղերձում հայտարարել էր, որ Վաշինգտոնը ակնկալում է Իրանում իշխանության փոփոխություն։ Նա նաև հայտարարել էր լայնածավալ ռազմական գործողության մեկնարկի մասին՝ նշելով, որ դրա նպատակը «իրանական ռեժիմից բխող անմիջական սպառնալիքի» վերացումն է։