Ավստրալիան այլ երկրների հետ միասին կոչ է անում լքել Բենղազիի տարածքը

Ավստրալիան Մեծ Բրիտանիայից, Գերմանիայից և Նիդեռլանդներից հետո ուրբաթ օրը իր քաղաքացիներին կոչ է արել անհապաղ լքել լիբիական Բենղազի քաղաքը. գրում է Australian-ը՝ վկայակոչելով ավստրալական ԱԳՆ-ի տարածած հայտարարությանը:

«Մեզ հայտնի է ահագնացող սպառնալիքը, որը սպառնում է Բենղազիում գտնվող արևմտյան երկրների քաղաքացիներին»,-ասել է Ավստրալիայի արտաքին քաղաքական գերատեսչությունը:

Նա հաստատել է, որ պայմանավորված հարևան Մալիում ֆրանսիացի զինվորականների իրականացրած ռազմական գործողություններով՝ տվյալներ ունի օտարերկրյա քաղաքացիների վրա հնարավոր հարձակման մասին:

Նախօրեին նման հայտարարությամբ հյանդես էին եկել Մեծ Բրիտանիան, Գերմանիան և Նիդեռլանդները:

Հենց Մալիում իրականացվող ռազմական գործողություններն էին պատճառ հանդիսացել հարևան Ալժիրում 40 գրոհայինի կողմից մի քանի հարյուր մարդու պատանդ վերցնելու համար: Ահաբեկչության արդյունքում զոհվել էր 8 երկրի 37 քաղաքացի: