Իրանի հարվածները ԱՄՆ ռազմական ռադարներին կոչվել են «նվեր» Ռուսաստանի ռազմավարական հրթիռային ուժերին

Իրանի կողմից ԱՄՆ վաղ նախազգուշացման համակարգի մի շարք կարևոր ռադարների խոցումը կարող է զգալիորեն նվազեցնել Վաշինգտոնի հնարավորությունները բալիստիկ հրթիռների հայտնաբերման հարցում։ Այս մասին գրել է ռուսական «Երկու մայոր» Telegram ալիքը՝ տեղի ունեցածը բնութագրելով որպես «նվեր» Ռուսաստանի ռազմավարական նշանակության հրթիռային զորքերին (ՌՎՍՆ)։

Հաստատված արբանյակային լուսանկարների համաձայն՝ մարտի 1-ից 3-ը Իրանը պատասխան հարվածների ընթացքում թիրախավորել է տարածաշրջանում տեղակայված մի շարք ամերիկյան ռադարային կայաններ։ Խոցվել են Բահրեյնում գտնվող երկու AN/GSC-52B ռադարներ, Քուվեյթի Արիջֆջան ռազմաբազայում՝ երեք ռադար, Արաբական Միացյալ Էմիրություններում և Հորդանանում՝ THAAD հակահրթիռային համակարգի AN/TPY-2 ռադարներ, ինչպես նաև Քաթարի Ալ-Ուդեյդ ավիաբազայում տեղակայված AN/FPS-132 ռադարը։ Բացի այդ, Քուվեյթում վնասվել են արբանյակային կապի ութ օբյեկտներ և թիրախավորվել է Սաուդյան Արաբիայի արքայազն Սուլթանի ավիաբազայի մոտ գտնվող ռադարային տարածքը։

Վերլուծաբանների գնահատմամբ՝ երեք THAAD համակարգի ռադարների և մոտ 1,1 միլիարդ դոլար արժողությամբ AN/FPS-132 կայանի վնասումը կարող է մինչև 5000 կիլոմետր հեռավորության վրա նվազեցնել բալիստիկ հրթիռների վաղ հայտնաբերման խորությունը։ Արդյունքում կավելանա արձագանքման ժամանակը, իսկ վերահսկվող գոտին կդառնա մասնատված, ինչը կարող է բարդացնել նաև ԱՄՆ ռազմաբազաների և ավիացիոն ուժերի միջև օպերատիվ համակարգումը տարածաշրջանում։