Իրանական լրատվամիջոցը պնդում է՝ Իսրայելը հարվածել է «նկարված» ուղղաթիռների

Իրանական Fars գործակալությունը հայտարարել է, որ Իսրայելի բանակը հարվածներ է հասցրել Իրանում տեղադրված ուղղաթիռների մակետներին։ Այդ մասին հաղորդվում է գործակալության Telegram ալիքում։

Գործակալության տվյալներով՝ Իսրայելի պաշտպանության բանակը (ՑԱԽԱԼ) հայտարարել էր, որ հարվածել է իրանական Mil-17 ուղղաթիռին և հրապարակել էր համապատասխան լուսանկարներ։ Սակայն Fars-ի փոխանցմամբ՝ հրապարակված պատկերներում երևում է, որ իրական պայթյուն չի տեղի ունեցել, և թիրախի կառուցվածքում փոփոխություններ չեն նկատվում, ինչը կարող է վկայել, որ խոսքը ուղղաթիռի մակետի մասին է։

Ավելի վաղ հաղորդվել էր նաև, որ իսրայելական F-35I «Ադիր» կործանիչը Թեհրանի երկնքում խոցել է իրանական ռազմաօդային ուժերին պատկանող Yak-130 ինքնաթիռը։ ՑԱԽԱԼ-ի տվյալներով՝ սա պատմության մեջ առաջին դեպքն է, երբ F-35I կործանիչը խոցում է օդաչուով կառավարվող ինքնաթիռ։