Արևմուտքում հայտարարել են, որ Իրանը պատրաստվում է Ռուսաստանից նոր կործանիչներ ստանալ

Իրանի մայրաքաղաք Թեհրանի երկնքում նկատված Як-130 ուսումնական-մարտական ինքնաթիռների թռիչքները կարող են վկայել, որ Իրանը պատրաստվում է Ռուսաստանից նոր կործանիչներ ստանալ։ Այս մասին գրում է արևմտյան Military Watch Magazine (MWM) ռազմական հանդեսը։

Հրատարակության տվյալներով՝ Як-130-ը վերջին 35 տարիների ընթացքում Ռուսաստանից Իրանի ստացած ամենաժամանակակից մարտական ինքնաթիռներից մեկն է։ Մասնագետների կարծիքով՝ այս ինքնաթիռների գնումը պայմանավորված է այն անհրաժեշտությամբ, որ իրանցի օդաչուները պատրաստվեն օգտագործել ռուսական Սու-35 կործանիչները, որոնց մատակարարումները, ըստ հաղորդումների, կարող են սկսվել 2026 թվականի վերջում։ Նշվում է նաև, որ Թեհրանը կարող է հետաքրքրված լինել նույնիսկ հինգերորդ սերնդի Սու-57 կործանիչներով։

MWM-ի տվյալներով՝ Թեհրանի երկնքում նկատվել են նաև ՄիԳ-29Ա կործանիչներ, որոնք կարող են օգտագործվել ամերիկյան և իսրայելական հրթիռների ու անօդաչուների որսման համար։ Թեպետ Як-130-ը հիմնականում ուսումնական ինքնաթիռ է, այն ունի նաև որոշ մարտական հնարավորություններ՝ ժամանակակից ավիոնիկայի, սենսորների և զինամթերքի կիրառման շնորհիվ։