Իրանը վերջնագիր է ներկայացրել Իսրայելին

Իրանը հայտարարել է, որ եթե Իսրայելը հարձակվի իրանական դիվանագիտական ներկայացուցչության վրա Լիբանանում, ապա Իսրայելի դեսպանությունները կարող են դառնալ Թեհրանի հարվածների թիրախ։ Այս մասին հայտարարել է Իրանի զինված ուժերի ներկայացուցիչ Աբոլֆազլ Շեքարչին։

Նրա խոսքով՝ մինչ այժմ Իրանը չի թիրախավորել Իսրայելի դիվանագիտական ներկայացուցչությունները՝ հարգելով այն երկրները, որտեղ դրանք գտնվում են։ Սակայն, եթե իսրայելական կողմը հարված հասցնի Իրանի դեսպանությանը Լիբանանում, իրավիճակը կարող է փոխվել։

Ավելի վաղ հաղորդվել էր, որ Սաուդյան Արաբիայում գտնվող ԱՄՆ դեսպանատունը ենթարկվել է երկու անօդաչու սարքերի հարձակման։ Կան ենթադրություններ, որ դրանք կարող էին լինել իրանական արտադրության, սակայն զոհերի կամ վիրավորների մասին տեղեկություններ չեն հաղորդվել։