Իրանը զգուշացնում է ԱՄՆ-ին․ հնարավոր ցամաքային գործողությունը կվերածվի «ճահճի»

Իրանը հայտարարել է, որ կտրուկ պատասխան կտա ԱՄՆ-ին, եթե Վաշինգտոնը որոշի իրականացնել ցամաքային ռազմական գործողություն Իրանի տարածքում։ Այս մասին հայտարարել է Ռուսաստանում Իրանի դեսպան Քազեմ Ջալալին՝ ընդգծելով, որ նման սցենարի դեպքում ամբողջ իրանական ժողովուրդը պատրաստ կլինի դիմադրության։

Դեսպանի խոսքով՝ ԱՄՆ-ն այժմ հարվածներ է հասցնում հեռվից՝ օդային գործողությունների միջոցով, սակայն հնարավոր ցամաքային ներխուժման դեպքում իրավիճակը կլինի «դեմ առ դեմ»։ Նա նշել է, որ Իրանը ունի բավարար ուժեր և միջոցներ՝ նման ագրեսիային դիմակայելու համար։

Ջալալին նաև զգուշացրել է, որ եթե ԱՄՆ-ը սկսի ցամաքային գործողություն, ապա կարող է հայտնվել այնպիսի «ճահճում», որից դուրս գալը շատ դժվար կլինի։ Ավելի վաղ ԱՄՆ նախագահ Դոնալդ Թրամփը հայտարարել էր, որ անհրաժեշտության դեպքում չի բացառում Իրանի դեմ ցամաքային գործողության հնարավորությունը, սակայն հավելել էր, որ նման սցենարը, հավանաբար, չի իրականացվի։