Գնահատվել են Իրանում հնարավոր միջուկային աղետի ռիսկերը

Իրանում միջուկային աղետի վտանգը իրական է, եթե Իսրայելը որոշի հարվածներ հասցնել երկրի միջուկային օբյեկտներին։ Այս մասին հայտարարել է «Սաֆիր» վերլուծական կենտրոնի ղեկավար, ռազմական փորձագետ Ալեքսեյ Բոգատիրևը՝ «Իզվեստիա» մեդիա կենտրոնում անցկացված քննարկման ժամանակ, որը նվիրված էր Իրանի և ԱՄՆ-ի միջև հակամարտության հնարավոր հետևանքներին։

Փորձագետի խոսքով՝ իրավիճակը հատկապես վտանգավոր է Բուշերի միջուկային օբյեկտի շրջանում։ Նա նշել է, որ «Ռոսատոմը» արդեն զգուշացրել է այդ տարածքում ստեղծված վտանգավոր իրավիճակի մասին։ Բոգատիրևի գնահատմամբ՝ Իսրայելը կարող է գնալ ցանկացած քայլի, եթե համարի, որ հակամարտությունը սպառնում է իր գոյությանը։

Միևնույն ժամանակ նա քննադատել է Ատոմային էներգիայի միջազգային գործակալությանը (ՄԱԳԱՏԷ)՝ նշելով, որ կազմակերպության գնահատականները Իրանի հարցում միշտ չէ, որ օբյեկտիվ են, և դա Իսրայելը կարող է օգտագործել որպես ճնշման միջոց Թեհրանի նկատմամբ։ Ավելի վաղ նաև հաղորդվել էր, որ եթե Իսրայելը փորձի փոխել իշխանությունը Իրանում, տարածաշրջանում կարող է առաջանալ միջուկային աղետի վտանգ։