Իրանում զոհերի թիվը հասել է 1332-ի

Իրանի վրա ԱՄՆ-ի և Իսրայելի հարվածների հետևանքով զոհերի թիվը հասել է 1332-ի, հաղորդում է «Ալ Ջազիրան»՝ հղում անելով Իրանի Կարմիր մահիկի տվյալներին։

«Իրանական Կարմիր մահիկի տվյալներով՝ շաբաթ օրվանից ի վեր Իրանում ԱՄՆ-ի և Իսրայելի հարձակումների հետևանքով զոհվել է առնվազն 1332 մարդ», - նշվում է հաղորդագրության մեջ։

«Ալ Ջազիրան» նաև հաղորդում է, որ Իրանը հայտարարել է վարչական գործունեության աստիճանական վերականգնման մասին՝ չնայած ԱՄՆ-ի և Իսրայելի շարունակական հարվածներին։

Կիրակի օրվանից՝ մարտի 8-ից, Թեհրանում գտնվող բոլոր նախարարությունները, կազմակերպությունները և գործադիր մարմինները կգործեն իրենց աշխատակիցների 20%-ի տեղում գտնվելու պայմաններում։