Իրանում մնացած ռուսաստանցիները կորցրել են կապը հարազատների հետ

Իրանում գտնվող ռուսաստանցի զբոսաշրջիկները մի քանի օր է չեն կարողանում կապ հաստատել իրենց հարազատների հետ՝ երկրում ինտերնետի անջատման պատճառով։ Այս մասին հայտնում է Shot Telegram-ալիքը։

Ըստ հաղորդագրության՝ միջազգային մեսենջերները, այդ թվում՝ Telegram-ը, երկրում չեն գործում արդեն մոտ մեկ շաբաթ։ Որոշ ռուսաստանցիներ նշել են, որ փորձում էին օգտվել տեղական Bale հավելվածից, սակայն այն նույնպես խնդիրների է բախվել՝ ենթադրաբար իսրայելական «Մոսադ» հետախուզության կողմից իրականացված կիբերհարձակման պատճառով։ Հավելվածը բացելիս օգտատերերը տեսնում են միայն «updating» («թարմացվում է») գրությունը։

Ռուսաստանցիների հարազատները փորձում են կապ հաստատել Իրանում գտնվողների հետ՝ այլ երկրներում բնակվող իրանցիների միջոցով՝ խնդրելով նրանց զանգահարել տեղական SIM քարտերով։ Ավելի վաղ ՌԴ նախագահ Վլադիմիր Պուտինը հանձնարարել էր համապատասխան գերատեսչություններին կազմակերպել Մերձավոր Արևելքում մնացած ռուսաստանցիների տարհանումը։ Մարտի 4-ին ԻԼ-76 ինքնաթիռը արդեն Ռուսաստան էր տեղափոխել Իրանից Ադրբեջանով տարհանված քաղաքացիներին։