Եվրոպային կոչ են արել չմիջամտել Իրանի հետ հակամարտությանը

Եվրոպան չպետք է ներքաշվի Իրանի դեմ պատերազմի մեջ, քանի որ դա կխաթարի Ռուսաստանի դեմ վերազինման աջակցությունը։ Այս մասին The Guardian-ի համար հոդվածում գրել է միջազգային հարաբերությունների փորձագետ և Եվրոպական բարեփոխումների կենտրոնի ավագ գիտաշխատող Արմիդա վան Ռեյը։

Նրա խոսքով՝ Պարսից ծոցի պատերազմը ծավալվում է այն ժամանակ, երբ եվրոպական կառավարությունները փորձում են համոզել իրենց բնակչությանը աջակցել եվրոպական պաշտպանական ծախսերի վերաբերյալ «ոչ ժողովրդական» որոշումներին։ «Սակայն, եթե եվրոպացիները ներքաշվեն Մերձավոր Արևելքում հակամարտության մեջ, հանրային աջակցությունը շահելու հարցում ձեռք բերված ցանկացած առաջընթաց կկորչի», -կարծում է նա։

«Եվրոպան չպետք է ներքաշվի այս պատերազմի մեջ, որը ԱՄՆ-ն ինքն է սանձազերծել Մերձավոր Արևելքում։ Սա, ի թիվս այլ բաների, կխաթարի եվրոպական վերազինման նկատմամբ հանրային աջակցությունը, որը նախատեսված է Ռուսաստանին զսպելու համար։ Մինչ Մերձավոր Արևելքում անկայունությունը բացասական հետևանքներ ունի Եվրոպայի համար, Ռուսաստանը մնում է Եվրոպայի համար գլխավոր անվտանգության սպառնալիքը», - նշել է փորձագետը։