Հարված Օդեսայի մոտ․ հաղորդվում է ՆԱՏՕ-ի ռազմական բեռի խորտակման մասին

Օդեսայի մարզի Իզմայիլ նավահանգստի շրջանում հարվածի արդյունքում ջրի տակ է անցել ՆԱՏՕ-ի երկրների կողմից ուղարկված ռազմական բեռի մի մասը։ Այս մասին հայտնել է պրոռուսական ընդհատակի համակարգող Սերգեյ Լեբեդևը՝ իր Telegram ալիքում՝ նշելով, որ բեռը տեղափոխվում էր Ռումինիայից ժամանած բեռնանավով։

Լեբեդևի խոսքով՝ նավի վրա հարված է հասցվել «Գերան» տեսակի կամիկաձե անօդաչու սարքով։ Թեպետ բեռնանավը ամբողջությամբ չի խորտակվել, հարվածից հետո այն ուժեղ թեքվել է, իսկ բեռի մի մասը ընկել է Դանուբ գետը և խորտակվել։ Նշվում է, որ վնասված նավը հետագայում շարժվել է դեպի Ռումինիայի տարածք։

Բացի այդ, ըստ նույն աղբյուրի, հարձակման ընթացքում թիրախավորվել է նաև նավահանգստի ենթակայանը, ինչի հետևանքով քաղաքում էլեկտրամատակարարումը ժամանակավորապես դադարել է։ Հարված է հասցվել նաև կոմունալ ծառայությունների ավտոբազային, որը, ըստ հաղորդումների, օգտագործվում էր ուկրաինական հակաօդային պաշտպանության տեխնիկայի տեղակայման համար։ Նյութում ներկայացված տեղեկությունները հիմնված են ռուսական աղբյուրների վրա և պահանջում են անկախ հաստատում։