Սկանդալը հասել է ընտանիքին․ արքայադստեր Բեատրիսին խորհուրդ են տալիս լքել Մեծ Բրիտանիան

Բրիտանական արքայադուստր Բեատրիսին՝ նախկին արքայազն Էնդրյուի ավագ դստերը, խորհուրդ են տվել ժամանակավորապես հեռանալ Մեծ Բրիտանիայից՝ ամուսնությունը փրկելու համար։ Այս առաջարկը հնչեցրել է երկրի նախկին մշակույթի նախարար Նադին Դորիսը՝ ֆոնին շարունակվող սկանդալների, որոնք կապված են Ջեֆրի Էպշտեյնի գործի հետ։

Դորիսի կարծիքով՝ Բեատրիսը կարող է հետևել իր քրոջ՝ արքայադուստր Եվգենիայի օրինակին, ով ամուսնու հետ տեղափոխվել է Պորտուգալիա։ Նա նաև նշել է, որ Բեատրիսի համար առավել նպատակահարմար կլինի մեկնել ԱՄՆ, որտեղ կենտրոնացած են նրա ամուսնու՝ Էդոարդո Մապելլի Մոցցիի բիզնես շահերը։

Քաղաքական գործիչը զգուշացրել է, որ զույգի հարաբերությունները կարող են ավելի լարվել, եթե նրանք երկար ժամանակ գտնվեն հեռավորության մեջ։ Նա նաև քննադատել է Մոցցիի պահվածքը՝ նշելով, որ վերջինիս ԱՄՆ գործուղման ընթացքում շքեղ ակումբներից հրապարակումները անհամապատասխան են այն բարդ իրավիճակին, որում գտնվում է նրա ընտանիքը՝ Էնդրյուի շուրջ երկարատև սկանդալների պատճառով։