Արթուր Ավանեսյանը կալանավորվեց 2 ամսով

«Ուժեղ Հայաստան» կուսակցության անվտանգության հարցերով թիմի ղեկավար, արցախյան պատերազմների մասնակից, հետախույզ Արթուր Ավանեսյանը՝  Կանդազը, կալանավորվեց 2 ամսով։ Նման որոշում է կայացրել Հակակոռուպցիոն դատարանը։

Հիշեցնենք, որ Ա.Ավանեսյանը ձերբակալվել էր նախօրեին։ Հակակոռուպցիոն կոմիտեն գործի վերաբերյալ ձայնագրություն էր տարածել ու հայտնել. «ՀՀ հակակոռուպցիոն կոմիտեի և ՀՀ ազգային անվտանգության ծառայության աշխատակիցների կողմից համատեղ ձեռնարկված ապացուցողական և օպերատիվ-հետախուզական միջոցառումների արդյունքում փաստական տվյալներ են ստացվել այն մասին, որ «Ուժեղ Հայաստան» կուսակցության համակիրը 2026 թվականի հունիսի 7-ին կայանալիք ՀՀ Ազգային ժողովի ընտրություններին իրենց օգտին քվեարկելու դիմաց մի շարք ընտրողների աշխատանքի ընդունելու և այլ եղանակով խոստացել է տալ կաշառք, որպիսի խոստումն ընդունվել է վերջիններիս կողմից։

Հակակոռուպցիոն կոմիտեից հայտնում են, որ դեպքի առթիվ Հայաստանի քրեական օրենսգրքի համապատասխան հոդվածներով նախաձեռնվել է քրեական վարույթ, հանրային քրեական հետապնդում է հարուցվել չորս անձի նկատմամբ, ովքեր ձերբակալվել են։