Ուկրաինայում հայտնում են Զապորոժիեում ռուսական հարձակման ակտիվացման մասին

Ուկրաինական աղբյուրների տվյալներով՝ ռուսական զորքերը ակտիվացրել են հարձակողական գործողությունները Զապորոժիեի ուղղությամբ՝ Վերխնյա Տերսա բնակավայրի շրջանում։ Այս մասին հայտարարել է ուկրաինացի ռազմական թղթակից Բոգդան Միրոշնիկովը՝ իր հրապարակման մեջ։

Նրա խոսքով՝ սկզբում իրականացվել են ինտենսիվ հարվածներ հրետանու և անօդաչու սարքերի միջոցով, որից հետո գրանցվել են գյուղ ներթափանցելու փորձեր փոքր խմբերով։ Միրոշնիկովը նշել է, որ տվյալ բնակավայրը կարևոր դիրք է զբաղեցնում՝ մի քանի ռազմավարական ճանապարհների խաչմերուկում, որոնք կարևոր են Ուկրաինայի զինված ուժերի պաշտպանության համար։

Ավելի վաղ տեղեկություններ էին տարածվել, որ ռուսական ուժերը սկսել են շրջափակման գործողություններ նաև Ռայ-Ալեքսանդրովկա բնակավայրի ուղղությամբ, որը համարվում է Ուկրաինայի պաշտպանական կարևոր հանգույց Սլավյանսկի և Կրամատորսկի մերձակայքում։