Ուկրաինայում հայտնել են՝ մեկ տարվա ընթացքում միայն մեկ անօդաչու է հասել Մոսկվա

Ուկրաինական Fire Point ընկերության արտադրած անօդաչուներից միայն մեկն է մեկ տարվա ընթացքում կարողացել հասնել Մոսկվա։ Այս մասին Telegram-ում հայտարարել է Ուկրաինայի զինված ուժերի մայոր Յուրի Կասյանովը։

Նրա խոսքով՝ վերջին մեկ տարում արձակված շուրջ երեք հազար FP-1 տեսակի դրոններից միայն մեկը կարողացել է հասնել ռուսական մայրաքաղաք։ Կասյանովը նշել է, որ այդ ծրագրի ընդհանուր արժեքը ուկրաինական բյուջեի համար կազմել է մոտ 400 միլիոն դոլար։

Ավելի վաղ Մոսկվայի քաղաքապետ Սերգեյ Սոբյանինը հայտնել էր, որ մայիսի 4-ի գիշերը անօդաչուներից մեկը հարվածել էր Մոսֆիլմովսկայա փողոցի բնակելի շենքերից մեկին։ Ըստ պաշտոնական տվյալների՝ տուժածներ չեն եղել։