Բացահայտվել է ալկոհոլի անսպասելի ազդեցությունը ախորժակի վրա

Սիդնեյի համալսարանի գիտնականները պարզել են, թե ինչու է ալկոհոլ օգտագործելուց հետո մարդկանց մոտ հաճախ ուժեղանում չիպսի, կարտոֆիլ ֆրիի, պիցցայի և այլ հագեցած համ ունեցող սննդի նկատմամբ ցանկությունը։ Obesity Reviews ամսագրում հրապարակված հետազոտության համաձայն՝ ալկոհոլը կարող է ակտիվացնել հորմոնալ մեխանիզմներ, որոնք փոխում են սննդային նախընտրությունները։

Հետազոտողների տվյալներով՝ կարևոր դեր ունի FGF21 հորմոնը, որը կապված է ախորժակի կարգավորման և օրգանիզմի սպիտակուցային պահանջի հետ։ Ալկոհոլի ազդեցության պայմաններում այդ հորմոնի մակարդակը կարող է բարձրանալ, ինչի հետևանքով մեծանում է հատկապես սպիտակուցներով հարուստ կամ հագեցած համ ունեցող մթերքների նկատմամբ ձգտումը։

Միևնույն ժամանակ գիտնականները նշում են, որ ժամանակակից վերամշակված սնունդը հաճախ «խաբում» է օրգանիզմին․ օրինակ՝ չիպսերը կամ սննեքները կարող են ունենալ մսային կամ պանրային հարուստ համ, բայց իրականում քիչ սպիտակուց պարունակել։ Հետազոտության հեղինակները խորհուրդ են տալիս ալկոհոլ օգտագործելու դեպքում նախապես ընտրել ավելի հավասարակշռված խորտիկներ՝ օրինակ՝ ձուկ, ծովամթերք կամ լոբազգիներ՝ նվազեցնելու չափից շատ սնվելու հավանականությունը։