Դիետոլոգը զգուշացրել է՝ որ դեպքերում կվասը կարող է վնասել առողջությանը

Էնդոկրինոլոգ և դիետոլոգ Սվետլանա Ֆիլատովան հայտարարել է, որ կվասի կանոնավոր օգտագործումը որոշ մարդկանց համար կարող է առողջական ռիսկեր առաջացնել։ Նրա խոսքով՝ հատկապես զգուշավոր պետք է լինեն որոշակի հիվանդություններ ունեցող մարդիկ։

Մասնագետը նշել է, որ կվասից խորհուրդ է տրվում հրաժարվել պոդագրայի դեպքում, քանի որ այն պարունակում է պուրիններ, որոնք կարող են խորացնել հիվանդության ընթացքը։ Բացի այդ, ըմպելիքի բաղադրության մեջ առկա են հացահատիկային բաղադրիչներ, խմորիչ և խմորման արդյունքում առաջացած նյութեր, որոնք կարող են խնդիրներ առաջացնել ալերգիա ունեցող մարդկանց համար։

Դիետոլոգը նաև ուշադրություն է հրավիրել այն հանգամանքի վրա, որ կվասում հաճախ առկա է շաքարի զգալի քանակ։ Նրա խոսքով՝ չափից շատ օգտագործումը նույնիսկ առողջ մարդկանց մոտ կարող է նպաստել նյութափոխանակության խանգարումների, ենթաստամոքսային գեղձի հավելյալ ծանրաբեռնվածության և քաշի ավելացման։ Միաժամանակ մասնագետները խորհուրդ են տալիս ըմպելիքներ ընտրել չափավորությամբ և հաշվի առնել առողջական առանձնահատկությունները։