Չամուսնացած մարդիկ ավելի շատ են ենթարկվում ինֆարկտի ռիսկին. գիտնականներ
Համաշխարհային Մամուլ
Ինչպես եզրակացրել են Ֆինլանդիայի գիտնականները Journal of Preventive Cardiology պարբերականում լույս տեսած իրենց հոդվածում, ընտանեկան զույգերն ավելի քիչ են ենթարկվում սրտանոթային հիվանդությունների ռիսկին և ավելի արագ են վերականգնվում, եթե ամեն դեպքում ինֆարկտ են տանում. գրում է Korrespondent-ը:
Գիտնականներն ուսումնասիրել են միոկարդի ինֆարկտի մասին առկա տեղեկությունները 1993-2002 թվականներին: Հետազոտություններին մասնակցել են 35 տարեկանից բարձր, Ֆինլանդիայի տարբեր շրջաններում ապվող մարդիկ:
Ինչպես հայտարարել են գիտնականները, 10 տարի տևած ուսումնասիրություններն արձանագրել են սրտամկանի կաթվածի 15.300 դեպք, որոնցից կեսից ավելին՝ մահվան ելքով: Անալիզներն ապացուցել են, որ չամուսնացած տղամարդկանց մոտ ինֆարկտի դեպքերը 58-66%-ով ավելի բարձր են, քան ամուսնացածների մոտ: Իսկ չամուսնացած կանանց մոտ 60-65%-ով ավելի հաճախ են սրտամկանի կաթվածի դեպքերը՝ ի տարբերություն ամուսնացած կանանց: Մահվան ելքով ինֆարկտի դեպքրում նույնպես այդ ցուցանիշը բավականին բարձր է հենց չամուսնացածների մոտ: Գիտնականները նման անհավասարակշռությունը բացատրում են ամուսնացած հիվանդների մոտ ավելի որակյալ խնամքով, ինֆարկտի դեպքում շտապ օգնության ավելի օպերատիվ կանչերով, նաև՝ ավելի առողջ կենսակերպով:
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
