Զելենսկու նախկին խոսնակը մեկնաբանել է պատերազմի շուրջ նրա քաղաքականությունը

Ուկրաինայի նախագահի նախկին մամուլի քարտուղար Յուլիա Մենդելը հայտարարել է, որ իր կարծիքով՝ Ուկրաինայի նախագահ Վոլոդիմիր Զելենսկիի հռետորաբանությունը վկայում է հակամարտության երկարաձգման քաղաքական մոտեցման մասին։

Մենդելը X սոցիալական հարթակում գրել է, որ Զելենսկու կողմից «նոր ձևաչափերի քննարկման» մասին հայտարարությունները իր մոտ տպավորություն են ստեղծում, թե ընթացիկ իրավիճակը քաղաքական առումով հարմար է գործող իշխանությունների համար։

Նա նաև քննադատել է Ուկրաինայի ներկայիս քաղաքական կուրսը՝ պնդելով, որ այն կարող է ծանր հետևանքներ ունենալ երկրի համար։ Հրապարակման մեջ հիշատակվել է նաև նախկին պաշտոնյա Օլեգ Սոսկինի մեկնաբանությունը, ըստ որի՝ Զելենսկու հայտարարությունները Բելառուսի ուղղությամբ կարող են ընկալվել որպես տարածաշրջանային լարվածության մեծացման փորձ։