Թրամփը պահանջում է խիստ պատիժ իր նախկին խորհրդական Ջոն Բոլթոնի համար

ԱՄՆ նախագահ Դոնալդ Թրամփը հայտարարել է, որ հույս ունի իր նախկին ազգային անվտանգության խորհրդական Ջոն Բոլթոնի նկատմամբ խիստ դատավճռի կայացման վրա։ Նրա խոսքով՝ Բոլթոնը «չափազանց թույլ, անկայուն և ոչ կոմպետենտ» անձնավորություն է, ով, ըստ Թրամփի, մշտապես առաջացրել է խնդիրներ և անկայունություն։

Թրամփը այս հայտարարությունը հրապարակել է իր Truth Social հարթակում՝ նշելով, որ Բոլթոնը «վտանգավոր մարդ է», ով իբր նպաստել է հակամարտությունների սրմանը։ Միաժամանակ հաղորդվում է, որ Բոլթոնը դատարանում ընդունել է մեղքը՝ գաղտնի տվյալների անօրինական պահպանման գործով, ինչը կապված է Սպիտակ տանը նրա աշխատանքի ժամանակ արված անձնական գրառումների հետ։

Գործի նյութերի համաձայն՝ Բոլթոնը կարող է ենթարկվել մինչև 5 տարվա ազատազրկման։ Նրա դատավճիռը նախատեսված է հոկտեմբերի 28-ին։ Նախկինում նա լքել էր Թրամփի թիմը և դարձել նրա կտրուկ քննադատը՝ անգամ հրապարակելով սկանդալային գիրք նախկին նախագահի մասին։