Ուկրաինան հայտարարել է «Իսկանդերի» անալոգ համարվող բալիստիկ հրթիռի փորձարկման մասին

Ուկրաինայում հայտարարել են, որ մոտ ժամանակներում նախատեսվում է FP-9 բալիստիկ հրթիռի առաջին արձակումը, որը կարող է համարվել ռուսական «Իսկանդեր-М» համալիրի նմանակ։ Այս մասին հայտնել է Fire Point ընկերության համահիմնադիր Դենիս Շտիլերմանը։

Նրա խոսքով՝ Կիևը պատրաստ է նաև արտադրել «Ֆլամինգո» հեռահար հրթիռներ՝ անհրաժեշտ քանակությամբ։ Այդ սպառազինության մշակմամբ ևս զբաղվում է նույն ընկերությունը, որը մասնակցում է Ուկրաինայի պաշտպանական նախագծերին։

Միաժամանակ նշվում է, որ ավելի վաղ հաղորդվել էր «Ֆլամինգո» հրթիռների կիրառման փորձի մասին, սակայն Ռուսաստանի պաշտպանության նախարարության տվյալներով՝ արձակված բոլոր հրթիռները խոցվել են ռուսական ուժերի կողմից։