ՍԴ ինստիտուտը պետք է հարգել՝ անկախ բովանդակությունից. ՔՊ-ից նաև դրանով ենք տարբերվում․ Վարդևանյան

«Ուժեղ Հայաստան» դաշինքի ներկայացուցիչ Արամ Վարդևանյանը հայտարարել է, որ ՔՊ-ն, մասնակցելով որպես երրորդ անձ, չի ներկայացրել դիրքորոշում, որ տեղի է ունեցել այնպիսի ընտրական հանցագործություններ, որոնք ազդել են ընտրությունների արդյունքների վրա։ Հերթական անգամ քաղաքական գնահատականներ և իրականություն, քաղաքական գնահատական և իրական դատողություն՝ հակադրության մեջ են այս քաղաքական ուժի դեպքում։ Խոսքն ընտրակաշառքների և այլ երևույթների մասին է։ Այն, որ իրենց կողմից ընտրախախտումներ իրականացվել են, որոնք ազդել են ընտրությունների արդյունքների վրա՝ փաստ է։ 

«Մենք ՔՊ-ից տարբերվում ենք նաև նրանով, որ ՍԴ ինստիտուտը պետք է հարգել՝ անկախ բովանդակությունից, գոնե ձևական մասը պետք է հարգել։

Իրենք արդեն պաշտոններից են խոսում այն պայմաններում, երբ ՍԴ-ն կարող է նոր ընտրությունների հիմքը լինել»,- լրագրողների հետ զրույցում ասել է Վարդևանյանը։

Հիշեցնենք՝ արդեն 3-րդ օրն է Սահմանադրական դատարանը քննում է խորհրդարանական ընտրությանը մասնակցած քաղաքական ուժերի՝ ընտրությունների արդյունքները վիճարկող դիմումների քննությունը։