Հայաստանը ճկունության և ոգեշնչման ևս մեկ աղբյուր է․ Գերմանիայի ԱԳ նախարար
Քաղաքական
Գերմանիայի արտաքին գործերի նախարար Յոհան Վադեֆուլը վերջերս անդրադարձել է Հայաստանի ժողովրդավարական ընթացքին՝ այն որակելով ճկունության և ոգեշնչման աղբյուր։
Գերմանացի դիվանագետի խոսքով՝ Հայաստանի քաղաքացիների վերջին ընտրությունը վերահաստատել է երկրի եվրոպամետ կառավարության նկատմամբ վստահությունը՝ որպես Ռուսաստանի ազդեցությանն ու ճնշումներին հակազդելու միջոց։
Վադեֆուլն ընդգծել է, որ հայ ընտրողների այս դիրքորոշումը վկայում է Եվրոպայի հետ կապերը խորացնելու հստակ ձգտման մասին։
«Հայ ընտրողները վերջերս վերահաստատեցին իրենց աջակցությունը երկրի եվրոպամետ կառավարությանը՝ ազդարարելով ռուսական հարկադրանքը նվազեցնելու և Եվրոպայի հետ կապերը խորացնելու շարունակական ցանկությունը»,- գրել է Գերմանիայի ԱԳ նախարարը «Ինստագրամի» իր էջում։
Նախարարը նաև հավելել է, որ չնայած ռուսական քարոզչությանը, որի նպատակն է պառակտել հասարակություններն ու խաթարել ժողովրդավարական ինստիտուտները, Հայաստանն ու մի շարք այլ երկրներ ցույց են տալիս սեփական ինքնիշխան ուղին ընտրելու վճռականություն։
ՈՒՂԻՂ ԵԹԵՐ
Ամենադիտված 
Նորայրը մեկնել էր հանգստի, արդեն վերադառնում է. նոր մանրամասներ՝ ողբերգական դեպքից
