Գիտնականները նշել են բորբոքումից օրգանիզմը պաշտպանող մրգերը

Food & Function (F&F) գիտական ամսագրում հրապարակված նոր հետազոտության համաձայն՝ ցիտրուսային մրգերում պարունակվող միացությունները կարող են պաշտպանել օրգանիզմը բորբոքային գործընթացներից և օքսիդատիվ սթրեսից։ Այս մասին հայտնում են հետազոտության հեղինակները՝ վերլուծելով նախկինում հրապարակված գիտական տվյալները։

Գիտնականները ուսումնասիրել են հատկապես ցիտրուսային մրգերում՝ նարինջում, կիտրոնում, գրեյփֆրուտում և այլ տեսակներում առկա ֆլավոնոիդներն ու ֆենոլային թթուները։ Այս նյութերը ունեն հակաօքսիդանտ և հակաբորբոքային հատկություններ, որոնք կարող են նպաստել մի շարք քրոնիկ հիվանդությունների կանխարգելմանը։

Միևնույն ժամանակ մասնագետները նշում են, որ օրգանիզմը չի կարող ամբողջությամբ յուրացնել բոլոր օգտակար նյութերը, ինչի պատճառով ներկայում մշակվում են նոր տեխնոլոգիաներ՝ միկրոկապսուլների և պաշտպանիչ համակարգերի միջոցով դրանց կենսամատչելիությունը բարձրացնելու համար։ Գիտնականների կարծիքով՝ նման մոտեցումները կարող են հիմք դառնալ նոր ֆունկցիոնալ սննդամթերքների և հավելումների ստեղծման համար։