Ընկերությունները կրկին աշխատանքի են ընդունում աշխատակիցների․ արհեստական բանականությունը չի արդարացրել սպասելիքները

Շատ ընկերություններ վերանայում են արհեստական բանականության (ԱԲ) կիրառման ռազմավարությունը և կրկին աշխատանքի են ընդունում աշխատակիցների, քանի որ ԱԲ-ն չի կարողացել ամբողջությամբ փոխարինել մարդկանց։ Այս մասին հայտնում է CNBC-ն։

Ford-ը հայտարարել է, որ կրկին հավաքագրում է հարյուրավոր փորձառու ինժեներների՝ արտադրանքի որակի խնդիրները լուծելու համար, որոնց ավտոմատացված համակարգերը չեն կարողացել արդյունավետ արձագանքել։ Նման քայլի են դիմել նաև Ավստրալիայի Commonwealth Bank-ը և IBM-ը։ Վերջինս նախկինում հաճախորդների սպասարկման մի շարք աշխատակիցների փոխարինել էր արհեստական բանականությամբ աշխատող ձայնային բոտով, սակայն համակարգը չի դիմացել ծանրաբեռնվածությանը, ինչի հետևանքով զանգերի թիվն աճել է, և ընկերությունը ստիպված է եղել վերանայել իր կադրային քաղաքականությունը։

Orgvue-ի հետազոտության համաձայն՝ ընկերությունների ղեկավարների 39 տոկոսը կրճատել է աշխատակիցներին՝ ԱԲ-ի ներդրման պատճառով, սակայն նրանցից 55 տոկոսը հետագայում ընդունել է, որ այդ որոշումը սխալ էր։ Միևնույն ժամանակ OpenAI-ի գլխավոր տնօրեն Սեմ Ալթմանը նախկինում հայտարարել էր, որ արհեստական բանականության զարգացումը չի հանգեցնի աշխատատեղերի համատարած կորստի։