Հայաստանի ՀՆԱ-ի իրական աճը կկազմի 5.2%. ՀՀ ֆինանսների նախարարություն

Fitch Ratings-ը վերահաստատել է Հայաստանի «BB-» վարկանիշը՝ պահպանելով «դրական» հեռանկարը ՀՀ ֆինանսների նախարարության հաղորդմամբ՝ միջազգային հեղինակավոր Fitch Ratings վարկանիշային գործակալությունը վերահաստատել է Հայաստանի Հանրապետության՝ արտարժույթով երկարաժամկետ պարտավորությունների թողարկողի «BB-» վարկանիշը՝ պահպանելով դրա «դրական» հեռանկարը։

Գործակալության գնահատմամբ՝ Հայաստանի վարկանիշը պայմանավորված է կայուն մակրոտնտեսական քաղաքականությամբ, տնտեսական բարձր աճով և մեկ շնչին բաժին ընկնող եկամտի շարունակական աճով։

Բացի այդ, Fitch Ratings-ը կանխատեսում է, որ 2026 թվականին Հայաստանի ՀՆԱ-ի իրական աճը կկազմի 5.2 տոկոս, ինչը զգալիորեն կգերազանցի «BB» վարկանիշային խմբի երկրների համար ակնկալվող 2.9 տոկոսի միջին ցուցանիշը։