Հնդկաստանում բռնաբարության համար մահապատժի կենթարկվեն

Հնդկաստանի նախագահ Պրանաբ Մուքերջին հաստատել է բռնաբարության համար պատժամիջոցների խստացումը, այդ թվում՝ նաև լուրջ հետևանքներով այդ հանցագործությունների համար մահապատժի սահմանումը: Այս մասին փաստաթուղթը նախագահը ստորագրել է երեկ. հաղորդում է Times of India պարբերականը:

Ըստ այդմ, փոփոխություններ կկատարվեն քրեական օրենսգրքում: Դրանք մահապատիժ են նախատեսում, եթե բռնաբարությունը հանգեցրել է տուժողի մահվան կամ առաջացրել է առողջական լուրջ խնդիրներ: Նման հանցագործների համար ազատազրկման ժամկետը 10 տարվա փոխարեն դարձել է 20 տարի: Ինչպես նաև, նախագահի հրամանագրի համաձայն, Հնդկաստանում պատիժ է սահմանվել՝ կապված նրանց հանդեպ այլ իրավախախտումների հետ:

Նման հանցագործությունների համար պատժամիջոցների խստացումն ուղղակիորեն կապված է 5 հանցագործի դեմ այսօր Նյու Դելիում մեկնարկող դատավարության հետ, որոնք 2012 թվականի դեկտեմբերի 16-ին խմբակային բռնաբարություն են իրականացրել 23-ամյա ուսանողուհի Ջոթի Սինգհի նկատմամբ, ով ավելի ուշ մահացել է: Նրանք մեղադրվում են սպանության, առևանգման, հանցագործ դավադրության և կողոպուտի մեջ:

Աղջկա մահը դարձել էր Հնդկաստանում զանգվածային բողոքի ակցիաների պատճառ: Ցուցարարները պահանջում էին խիստ պատիժ հանցագործների համար, հատուկ դատարանների ստեղծում բարձր արագությամբ նման քրեական գործեր քննման համար: