20-ամյա աղջկան ողջ-ողջ այրել են

Պապուա-Նոր Գվինեայում 20-ամյա կնոջը մահապատժի են ենթարկել կախարդության համար. գրում է տեղական The National թերթը:

Միջադեպը տեղի է ունեցել փետրվարի 6-ին Մաունտ-Խագենեում, որը դասվում է երկրի մեծ քաղաքների թվին: Էնգա նահանգից Կեպարի Լենիատուին մեղադրել են կախարդության միջոցով երեխա սպանելու մեջ:

Մահացածի ընտանիքը աղջկան տանջել է շիկացած երկաթյա ճիպոտի միջոցով, որից հետո, կապելով նրա ոտքերն ու ձեռքերը, քարշ են տվել քաղաքային հրապարակ և ողջ-ողջ այրել նրան բոլորի աչքի առաջ: Դեպքի վայր են ժամանել ոստիկաններ և բժիշկներ, սակայն նրանք չեն հասցրել փրկել աղջկան: Նրանք աղջկա մարմինը տեղափոխել են դիահերձարան: Մահացած աղջիկն ուներ ամուսին և 8-ամյա աղջիկ:

Ոստիկանության ներկայացուցիչը դատապարտել է մահապատիժը և հայտարարել, որ օրինապահ մարմինները գործ կհարուցեն սպանության մեղադրանքով ու կպատժեն բոլոր մեղավորներին: Ոստիկանի խոսքերով՝ հանցագործներն արդեն հայտնի են և շատ շուտով կձերբակալեն նրանց:

Երեխան մահացել է փետրվարի 5-ին: Նա բողոքում էր փորի և կրծքավանդակի հատվածում ունեցած ցավերից, որից հետո երեխան տեղափոխվել է հիվանդանոց: Սակայն բժիշկներին չի հաջողվում փրկել նրանց: