Աշխարհի ամենամեծ կրոնական տոնին 40 մլն հնդիկ է օծվել սուրբ Գանգեսի ջրերում. Der Standard

Կիրակի օրը միլիոնավոր հնդիկներ են օծվել սուրբ գետ համարվող Գանգեսի ջրերում, գրում է ավստրիական Standard-ը:

Հնդկաստանի հյուսիսում գտնվող Ալլահաբադ քաղաքում նշվող աշխարհի ամենախոշոր կրոնական տոնը այսօր հասել է իր գագաթնակետին: Յուրաքանչյու 12 տարին մեկ աշխարհի բոլոր կետերից Ալլահաբադում են հավաքվում հնդիկները՝ նշելու Կումբհ Մելան՝ Կժի տոնը: Այս տարի տոնականատարությունը գերազանցել է բոլոր սպասելիքները. ավելի քան 40 մլն հնդիկ է հավաքվել Ալլահաբադում՝ 1.2 մլն բնակչություն ունեցող այդ քաղաքում: 7 հազար ոստիկան և 30 հազար կամավոր հսկում են անվտանգության կանոնների պահպանումը:

«Գանգեսի ջրին մեկ անգամ թեկուզ հպվելը ուժ է տալիս ողջ կյանքը փոխելու համար»,-ասում է ծիսակարգին մասնակցող հավատացյալներից մեկը: Նրանց մեծամասնությունը ցանկանում է ամբողջ մարմնով նետվել ջուրը, ոմանք խմում են Գանգեսի ջրից, իսկ որոշներն էլ շշերով իրենց տուն ջրից սուրբ մասունք են տանում:

Հետաքրքրական է, որ Ալլահաբադում` Գանգես և Յամունա գետերի միախառնման հատվածում, ջուրը բավական կեղտոտ է: Հնդուիզմի կրոնական ուսմունքի համաձայն՝ այդ ջրերում աստղերի որոշակի դասավորվածության ժամանակ թեթևակի լողանալը բավական է ամբողջ կյանքում գործած մեղքերից մաքրվելու և վերածնման (Ռեինկառնացիա)՝ հոգու մաքրությունն ապահովելու համար:

Ալլահաբադում նախորդ անգամ Կժի տոնը նշվել էր 2001թ.-ին: