Անգլիայի դքսուհի Քեյթ Միդլթոնի կիսամերկ լուսանկարները

Իտալական Chi պարբերականը հրապարակել է Անգլիայի դքսուհի Քեյթ Միդլթոնի լողազգեստով նկարը, որը մեծ աղմուկ է բարձրացրել Անգլիայի թագավորական պալատում: Այս մասին նշում է անգլիական Express պարբերականը:

Chi պարբերականի պապարացիները լուսանկարել են Անգլիայի արքայազն Վիլյամին և դքսուհի Քեյթ Միդլթոնին Կարիբյան կղզիներից Մուստիքում, որտեղ զույգն անցակցնում է իր հանգիստներից մեկը: Նկարում Անգլիայի արքայազնը պատկերված է կապույտ կիսատաբատով, իսկ դքսուհին, որը 4 ամսեկան հղի է, կապույտ լողազգեստով: 

Անգլիայի ոստիկանությունը դատապարտել է իտալական պարբերականի քայլը` որակելով այն որպես զույգի անհատական կյանքի իրավունքի խախտում: 

Հիշեցնենք, որ Անգլիայի արքայազնը և դքսուհին դատի էին տվել ֆրանսիական պարբերականին, որն առաջին անգամ ցուցադրել էր ծովափում դքսուհու կիսամերկ լուսանկարները: Սակայն այս անգամ զերծ են մնացել այդպիսի քայլից, քանի որ իտալական պարբերականը պատկանում է Սիլվիո Բերլուսկոնիին: