Սիրիայում քաղաքացիական պատերազմի սկսվելուց հետո հարյուրավոր հայ ուսանողներ տեղափոխվել են Լիբանան. Daily star

Անգլիական Daily star պարբերականն անդրադարձել է Հալեպում գործող Լազար Նազարյան-Գալուստ Գյուլբենկյան դպրոցին և Լիբանան տեղափոխված սիրիահայերին` մասնավորապես նշելով, որ չնայած շարունակվող բռնություններին, դասերը դեռևս շարունակվում են: 

Լազար Նազարյան-Գալուստ Գյուլբենկյան դպրոցը, որն արդեն տասնյակ հազարավոր շրջանավարտներ է ունեցել, հիմնադրվել է 1954-ին: Սիրիայում բախումները սկսվելուց հետո այնտեղի հայկական դպրոցի բազմաթիվ շրջանավարտներ տեղափոխվել են Լիբանան: Հալեպի դպրոցը այն հիմնական կառույցներից էր, որի նպատակն էր ցեղասպանություն վերապրածների սերունդների ակադեմիական պահանջները ապահովելը: 

Քանի դեռ Սիրիայում բախումները շարունակվում են, հարյուրավոր հայ ուսանողներ տեղափոխվել են Լիբանանի հայկական դպրոց` հույս ունենալով, որ բախումներից հետո վերադառնալու են Սիրիա: 

«Բոլորը մտածում են Սիրիա վերադառնալու մասին»,-այս մասին նշել է դպրոցի գլխավոր գործադիր տնօրեն Արա Վասիլյանը: 

Սիրիայից ուսանողների ծախսերն ապահովում է ՀԲԸՄ-ը, որն աշխարհի ամենախոշոր հասարակական կազմակերպությունն է և եկամուտը հիմնականում ապահովում է հայկական սփյուռքի և բարեգործների դրամաշնորհներով: 

Նյու Յորքում գործող ՀԲԸՄ-ն նվիրաբերել է 1.7 մլն դոլար սիրիահայերին օգնելու համար քաղաքացիական պատերազմի ծագելուց հետո: 

Շուրջ 120.000 հայ ապրում է Սիրիայում, իսկ կենտրոնը հիմնականում գտնվում է Հալեպ քաղաքում: Ինչպես մյուս քրիստոնեական համայնքները, այնպես էլ հայերը, անհանգստացած են, որ բախումների շարունակվելուց հետո կարող է վերանալ: 

Չնայած որ հարյուրավոր սիրիահայեր արտագաղթել են և հաստատվել Հայաստանում, սակայն շատ ընտանիքներ նախընտրում են տեղափոխվել Լիբանան, որտեղի կրթական համակարգը նման է Սիրիային: