ԶԼՄ-ներ. Ստալինի որդին դասալիք և հրեատյաց է եղել

Իոսիֆ Ստալինի առաջին որդի Յակով Ջուգաշվիլին, ով մահացել է Հայրենական մեծ պատերազմի տարիներին, դասալիք և հրեատյաց է եղել. պնդում է գերմանական Der Spiegel ամսագիրը՝ հղում կատարելով արխիվային նյութերին:

Ինչպես նշվում է Independent-ում հրապարակված հոդվածում, «Ստալինի առաջին որդի Յակով Ջուգաշվիլին, ինչպես ենթադրվում էր, 1943-ին ինքնասպանություն է գործել Արևելյան Գերմանիայում»: Սակայն Der Spiegel-ի հայտնաբերած արխիվային նյութերում նշվում է. «Ջուգաշվիլին ոչ միայն ինքնակամ հանձնվել է գերմանացիներին, այլև ծայրահեղ քննադատաբար էր տրամադրված Կարմիր բանակի հանդեպ, ընդ որում, հրեատյաց էր»:

Որպես այս վարկածի ապացույց՝ Der Spiegel-ը մեջբերում է հատվածներ բրիգադային կոմիսար Ալեքսեյ Ռումյանցևի՝ Կարմիր բանակի ղեկավարությանն ուղղված նամակից: Ամսագիրը նաև ցիտում է Ջուգաշվիլիի հարցաքննության զեկույցից, որտեղ նշվում է, որ վերջինս չափազանց քննադատաբար էր արտահայտվել Կարմիր բանակի հասցեին՝ հրամանատարներին անվանելով անբարեխոհ, իսկ նրանց քայլերը՝ «անմիտ և ապուշ»: «Նրանց համար ամենակարևորը կոմերցիոն գործարքներ կնքելն է: Հրեաները չեն ցանկանում աշխատել, քանի որ չեն կարող»,-ասել է Ստալինի որդին հրեաների մասին: Ընդ որում, նա ամուսնացած էր հրեա կնոջ հետ: Եթե հավատալ Սվետլանա Ալիլուևայի հուշերին, Ստալինը համոզված էր, որ Յակովը հանձնվել է գերմանացիներին մտածված՝ վերջինիս կնոջ՝ Յուլյայի դրդմամբ, որին ավելի ուշ ձերբակալել էին, հարցաքննել և խոշտանգումների ենթարկել:

«1943-ին Ստալինգրադում պարտությունից հետո նացիստական ռեժիմն առաջարկել է փոխանակել Ջուգաշվիլիին մի քանի գերով: Սակայն, ինչպես գրել է Սվետլանան իր հուշերում, իր հայրը հրաժարվել է փոխանակումից»,-գրում է Independent-ը: