ՀՀ օլիգարխիկ ռեժիմն ու միլիոնավոր դոլարների յուրացումը. Le Temps

Հայաստանում երկուշաբթի օրը նախագահական ընտրությունները կավարտվեն գործող նախագահ Սերժ Սարգսյանի հաղթանակով, և օլիգարխիկ ռեժիմը ավելի կամրապնդվի: Այս մասին նշում է Le Temps-ը: Սակայն երկիրն իրենց ձեռքում պահող օլիգարխներին կանգնեցնում է միայն Շվեյցարիայում կրթություն ստացած 36-ամյա իրավաբան Մհեր Արշակյանը:

Երբ խորհրդարանական Ռուբեն Հայրապետյանի թիկնապահները ծեծեցին Վահե Ավետյանին, Մհերը Facebook սոցիալական կայքում ստեղծեց էջ, որը դարձավ միջոց մաֆիոզների և նախագահական ապարատի վրա հարձակման համար: Facebook-ի միջոցով հավաքված 7.000 մարդ կարողացավ հասնել Հայրապետյանի հրաժարականին, սակայն նա դեռևս շատ ազդեցիկ մարդ է մնում` ղեկավարելով Հայաստանի ֆուտբոլի ֆեդերացիան, և խնդիրներ չունի արդարադատության հետ: Արշակյանը ցանկանում է հասնել այն բանին, որ Հայրապետյանի նկատմամբ սկսվի հետաքննություն, և վարում իր ուրույն հետաքննությունը, որ իշխանությանը գցի իր իսկ թակարդի մեջ: 

«Մհեր Արշակյանի ինտերնետային պայքարը նման է այլ նախաձեռնողների պայքարին, ովքեր տեղ են գտել Հայաստանում վերջին 2 տարիների ընթացքում: Նա ցանկանում է հակազդել օլիգարխիկ ռեժիմին, որը պատրաստ է ամեն ինչի միայն միլիոնավոր դոլարներ յուրացելու և 2,8 մլն բնակչությանը իրենց ենթարկելու համար»,- այս մասին նշել է հոդվածագիր Ռեժի Ժանտեն: 

Քաղաքագետ Ալեքսանդր Իսկանդարյանը նշում է, որ համացանցի ակտիվիստները, իրենք էլ չգիտակցելով դա, գործում են որպես նոր ձախակողմյաններ: «Նրանք չունեն որևէ գաղափարախոսություն, նրանց միակ ցանկությունը համակարգին հակազդելն է»,-նշել է Իսկանդարյանը: 

2012 թվականը աչքի է ընկել մի շարք համացանցային ակտիվություններով, ինչպիսին էր Թեղուտի անտառի պաշտպանությունը: