Աղքատ Հայաստանի բնակիչներին այլընտրանք չեն թողել. Deutsche-Welle-ի մռայլ կանխատեսումները

Հարավկովկասյան աղքատ այս պետության բնակիչներին այլընտրանք չեն թողել: Նախագահի հավանական թեկնածու է համարվում գործող  նախագահ 59-ամյա Սերժ Սարգսյանը, ում օգտին, համաձայն հարցումների, կքվեարկի ընտրողների 68%-ը. գրում է Deutsche-Welle գերմանական պարբերականը:

Սարգսյանի լուրջ հակառակորդը այդպես էլ չդրեց իր թեկնածությունը: Ըդհանուր առմամբ՝ նախագահի պաշտոնին հավակնում է 7 թեկնածու: Երեք լուրջ ընդդիմադիր կուսակցությունների ղեկավարները հրաժարվել են մասնակցել քվեարկությանը: Հայաստանում ընտրությունների ընթացքին հետևում է ԵԱՀԿ 600 միջազգային դիտորդ:

2008-ի նախագահական ընտրություններից հետո Սարգսյանը վիճելի պայմաններում զբաղեցրեց նախագահի պաշտոնը: Ընտրությունների արդյունքները բողոքարկվեցին բնակչության կողմից, ինչը հանգեցրեց երկրում արյունալի բախումների, արդյունքում զոհվեց 10 մարդ:
Նախկին ԽՍՀՄ անդամ այս պետությունն իր անկախացումից հետո արդեն 20 տարի է, չի կարողանում սեփական ոտքերի վրա կանգնել: Հայաստանը տնտեսական շրջափակման մեջ է գտնվում 2 հարևան պետությունների՝ Թուրքիայի և Ադրբեջանի կողմից: