ԱՄՆ-ի փոստը կզբաղվի հագուստի արտադրությամբ` կրած վնասները ծածկելու համար

ԱՄՆ-ի փոտային ծառայությունը ձեռնարկում է նորաոճ հագուստի սեփական արտադրությունը: Գերատեսչության նման քայլն ուղղված է գոնե ինչ-որ չափով ծածկելու այն վնասները, որ կրել է ամերիկյան պետական փոստը. գրում է The Washington Post-ը:

Ակնկալվում է, որ «ԱՄՆ-ի փոստային ծառայություն» ապրանքանիշով արտադրվող հագուստը կկրի Անձրև, Տապ և Ձյուն (Rain, Heat & Snow) անունը՝ մատնանաշելով տարվա բոլոր եղանակներին համապատասխան հագուստ արտադրելու մտադրությունը:

Բացի այդ, պլանավորվում է նաև, որ հագուստի առաջին վաճառքը ԱՄՆ-ի խոշորագույն խանութներ կմտնի արդեն գալիք տարի: Ի սկզբանե դա լինելու է տղամարդու հագուստ, իսկ կանացի հագուստը կարտադրվի ավելի ուշ: Հագուստի արտադրությունը հիմնվելու է Օհայո նահանգի գործարաններից մեկում, ում հետ արդեն ձեռք է բերվել համապատախան պայմանագիր:

Նշենք, որ ԱՄՆ-ի փոստային ծառայության կրած վնասներն ընթացիկ ֆինանսական տարվա ընթացքում գնահատվում են 1.3 մլրդ դոլար: