Բրիտանացի ամուսինները սուպերմարկետի աղցանում սատկած թռչուն են գտել

Մեծ Բրիտանիայում ամուսնական զույգը Tesco սուպերմարկետների ցանցից գնած աղցանի մեջ սատկած թռչուն է հայտնաբերել. գրում է The Sun-ը:

Ջեյմս և Ջեսմին Վաթսոնները բողոքել են ընկերության ներկայացուցիչներին: Պարբերականը տվյալներ չունի այն մասին, թե ինչպես է թռչունը հայտնվել աղցանի մեջ: Պարզ չէ նաև, թե Tesco ընկերությունը պատրաստվում է արդյոք ներքին հետաքննություն վարել գործի առընչությամբ:

Զույգը պատմում է, որ իրենք սատկած թռչունը հայտնաբերել են ռոմանտիկ ընթրիքի ժամանակ, երբ արդեն կերել էին աղցանի կեսը:

Բողոքից հետո սուպերմարկետի մենեջերը գինի և ծաղիկներ է նվիրել զույգին, ներողություն հայցել՝ տրամադրելով 200 ֆունտ ստերլինգի չեք: