Ստալինը կենդանի է Հայաստանում, Ադրբեջանում, Վրաստանում և Ռուսաստանում. Foreign Policy

Խորհրդային բռնապետը մահացել է 60 տարի առաջ, սակայն հետխորհրդային որոշ երկրներում նրան դեռևս հրաժեշտ չեն տվել. Foreign Policy ամսագրում գրում է հոդվածագիր Մաշա Լիպմանը:

2012թ. հոկտեմբերին Carnegie Endowment for International Peace-ը սոցհարցում էր պատվիրել «Ստալիnի ընկալումը Հայաստանում, Ադրբեջանում, Վրաստանում և Ռուսաստանում» թեմայով:

«Հարցման արդյունքները ապշեցուցիչ հստակությամբ բացահայտում են, որ շատերի համար խորհրդային բռնապետը դեռևս կենդանի է հիշողության մեջ»,-գրում է հեղինակը:

«Միայն Ադրբեջանոմ արդեն սկսել են մոռանալ Ստալինին: Այնտեղ կարծես թե ավելի հետաքրքիր է դարձել նմանակել Դուբային, քան թե մտածել խորհրդային անցյալի մասին»,-նշում է հոդվածագիրը: Ադրբեջանում հարցվածների 22%-ն առհասարակ չգիտեր, թե ով է եղել Ստալինը, ընդ որում, երիտասարդների մեջ նրան չճանաչողների թիվը կազմել է 40%:

«Վրաստանում Ստալինի նկատմամբ դրական է արտահայտվել հարցվածների 45%-ը, և դա հավանաբար այն պատճառով, որ Ստալինն ամենահայտնի վրացին է եղել (ընդ որում, տխրահռչակ համբավով հայտնի), և մնում է ազգայնականների հզոր խորհրդանիշը այս երկրում:
Հայասանում հարցվածների 25%-ն է դրական վերաբերվում Ստալինին, իսկ Ադրբեջանում՝ 21%-ը:

Ստալինիզմը ամենախոր արմատները ձգել է Ռուսաստանում: Հարցվածների 42%-ը գտնում է, որ Ստալինն այն քաղաքական գործիչն էր, ով ամենամեծ ազդեցությունն է ունեցել համաշխարհային պատմության ընթացքի վրա: Իսկ 28%-ն էլ նշել է, որ դրական է վերաբերվում Ստալինին: Այս թվերն ապացուցում են ԽՍՀՄ անկումից հետո Ստալինի հեղինակության վերածնումը Ռուսաստանում»,-գրում է հարցումն անցկացնող «Լևադա կենտրոնի» տնօրեն Լև Գուդկովը: