ԱՄՆ-ում զինվորի տեսքով խաղալիքներին համարում են բռնության քարոզ

ԱՄՆ-ի Միչիգան նահանգի դպրոցներից մեկի տնօրենը երրորդ դասարանի աշակերտից խլել է խաղալիք զինվորներին, որոնցով նրա մայրը զարդարել էր տղայի ծննդյան տորթը. գրում է The Daily Mail-ը:

Դպրոցականի մոտից խաղալիք զինվորների առգրավումը դպրոցի տնօրենը բացատրել է այն հանգամանքով, որ խաղալիք զինվորները խորհրդանշում են բռնություն, և դրանց գործածումը տորթի զարդարանքի փոխարեն նվազագույնը ոչ կոռեկտ քայլ է նրա ծնողների կողմից` հաշվի առնելով մի քանի ամիս առաջ Սենդի Հուք դպրոցում երեխաների զանգվածային սպանության դեպքը:

Դպրոցի տնօրինությունը նշել է, որ ներկայումս որոշ ծնողներ առհասարակ հրաժարվել են երեխաներին խաղալիք ատրճանակներ և զինվորներ նվիրելու գաղափարից:

Տղայի հայրն իր հերթին սկզբունքորեն համաձայն չէ դպրոցի տնօրինության դիրքորոշման հետ: Նա մշում է, որ տորթը զարդարող զինվորները պատկերում են Երկրորդ համաշխարհային պատերազմում ԱՄՆ-ի զինծառայողներին և ոչ մի կապ չունեն Սենդի Հուք դպրոցում երեխաներին սպանած մոլագարի կերպարի հետ: