Ամերիկացի զինվորականները մարզում են սիրիացի ապստամբներին Հորդանանում. Der Spiegel

Ամերիկյան զինվորականները Հորդանանի տարածքում մարտական մարզումներ են անցկացնում սիրիացի ապստամբների համար: Այս մասին գրում է գերմանական Der Spiegel պարբերականը:

Պարբերականի տեղեկություններով` արդեն մարտական պատրաստություն են անցել ավելի քան 200 ապստամբներ:

Պարբերականը չի հստակեցնում, թե ամերիկյան ռազմական մասնագետները վարձվել են պետության կողմից, թե այդ մարզումներն անհատական նախաձեռնություն են:

Հորդանանի հարավում և արևելքում տեղակայված 2 ճամբարներում մոտակա ժամանակներում կարող են մարտական պատրաստություն անցնել 1.2 հազար «Սիրիայի ազատ բանակի» գրոհայիններ: