Բրիտանիայում մաստակի համար հարկ կգանձեն

Բրիտանական Գլազգո և Միլթոն Քինսե քաղաքներում մաստակի համար հատուկ հարկ մուծելու նախագիծ են առաջ քաշել:

Գլազգո քաղաքում նախատեսված է համապատասխան նախագիծը դնել համայնքի ժողովի քննարկմանը: Օրինագիծը նախատեսում է տուգանել բոլոր նրանց, ովքեր ծամած մաստակը կնետեն փողոցում:

Օրինագծի նախաձեռնող լեյբորիստ Փոլ Քերին նշում է, որ հավաքված տուգանքը կօգտագործվի քաղաքի մաքրման և բարեկարգման աշխատանքների համար: Նրա խոսքերով՝ իշխանությունները մեծ գումարներ են ծախսում մայթերին կպած չորացած մաստակները քերելու և մաքրելու համար:

Պաշտոնական տվյալներով՝ քաղաքների փողոցներից մաստակը մաքրելու համար Մեծ Բրիտանիան տարեկան ծախսում է 150 մլն ֆունտ. գրում է The Daily Mail-ը: