Որքան են վաստակում Կրեմլի ռուս պաշտոնյաները. Forbes

Կրեմլի պաշտոնյաների և Ռուսաստանի կառավարության աշխատակազմի աշխատակիցների աշխատավարձը բարձրացվել է գրեթե կրկնակի, և այժմ կարող է մրցակցել թոփ-մենեջերների և ուժային կառույցների պաշտոնյաների աշխատավարձերի հետ. հաղորդում է Forbes-ը:

Ըստ պարբերականի տվյալների՝ Պուտինի վարչակազմի աշխատավարձն աճել է 2012թ. սեպտեմբերի 1-ից, իսկ կառավարությունում՝ նոյեմբերից:

Կառավարության պաշտոնյաներին սկսել են վճարել այնքան, որքան զինվորականներին: Սակայն Մեդվեդևի կառավարության աշխատակիցները շարունակում են մեկ աստիճան ցածր վարձատրվել նախագահի աշխատակազմի պաշտոնյաներից:

Նշվում է, որ բազային աշխատավարձի գումարն ավելացել է 200-1333 դոլարի չափով՝ կախված պաշտոնական դիրքից: Այսպես է. եթե առաջ գերատեսչության ղեկավարը ստանում էր 4.17 հազար դոլար, ապա այժմ նա ստանալու է 10-11 հազար դոլար: Բացի այդ, փոխվարչապետի աշխատավարձն աճել է՝ 2.3-3 հազար դոլարից հասնելով 6.33 հազար դոլարի:

Աշխատավարձի աճին անդրադարձել է ռազմավարական բարեփոխումների կենտրոնի վարչական ռեֆորմների բաժնի ղեկավար Վլադիմիր Յուժակովը: Նրա կարծիքով՝ Կրեմլը փորձում է իր հանդեպ չեզոք տրամադրել պաշտոնական ապարատը: Իսկ մյուս կողմից բացասական է այն երևույթը, որ այժմ կառավարությունում կամրանա բյուրոկրատիան և գերատեսչություններում կսկսեն ձգտել ավելի բարձր դիրքի: