Like-երը Facebook-ում կօգնեն որոշել ձեր սեռական կողմնորոշումը

Բրիտանացի գիտնականները ստեղծել են հատուկ համակարգչային ծրագիր, որը վերլուծում է Facebook սոցցանցում օգտատերերի դրած Like-երը և դրանց հիման վրա որոշում ոչ միայն մարդու տարիքն ու IQ-ն, այլև նույնիսկ սեռական կողմնորոշումը:

Օգտատիրոջ հոգեբանական կերպարը ստեղծելու նպատակով անցկացվող հետազոտություններն անցկացվել են Microsoft-ի և Քեմբրիջի համալսարանի գիտնականների համատեղ ջանքերով: Հետազոտությանը մանակցել է ավելի քան 58.000 մարդ, ովքեր հատուկ հարցաթերթիկ էին լրացնում, որից հետո գիտնականները համեմատում էին անմիջականորեսն մարդկանցից ստացված տեղեկությունները համակարգչային ծրագրի միջոցով ստացված տեղեկութունների հետ:

Ի զարմանս հետազոտողների՝ համակարգչային ալգորիթմը 95% դեպքերում ի վիճակի է եղել գուշակել օգտատիրոջ ազգային պատկանելիությունը, 88% դեպքերում՝ սեռական կողմնորոշումը, իսկ 85%-ի դեպքում՝ նույնիսկ քաղաքական հայացքները: Ալգորիթմն ի վիճակի է եղել նաև հաշվել ինտելեկտի գործակիցն ու օգտատիրոջ ծնողների ամուսնալուծության ամսաթիվը:

Գիտնականները վստահ են, որ իրենց հայտնագործությունը կօգնի ավելի արդյունավետ օգտագործել գովազդային հոլովակները սոցիալական ցանցերում: Այս մասին գրում է The Verge-ը: