Ֆրանսիայում կտուգանեն ոչ թե մարմնավաճառներին, այլ նրանց ծառայություններից օգտվող տղամարդկանց

Ֆրանսիայում մարմնավաճառները կարող են նորից վերադառնալ Փարիզի կենտրոն: Տեղի սեքս-արդյունաբերության արհմիությանը հաջողվել է լուծարել մարմնավաճառության դեմ պայաքարի մասին օրենքը, որն ընդունվել էր դեռևս նախագահ Ժակ Շիրակի օրոք. գրում է The Local-ը:

Սոցիալիստների կուսակցության ներկայացուցիչների հայտարարությույնը, որում նրանք նշել են, որ պատրաստ են փոխզիջումների գնալ հնագույն մասնագիտության ներկայացուցիչների համար, թյուրըմբռնում է առաջ բերել երկրի շատ բնակիչների մոտ: Չէ՞ որ նախագահ Ֆրանսուա Օլանդը, դեռևս լինելով նախագահի թեկնածու, խոստացել էր արմատախիլ անել մարմնավաճառությունը Փարիզից:

2003-ին ընդունած օրենքի համաձայն՝ ոստիկանությունը կարող է ձերբակալել խաչմերուկներում տղամարդ որսող վառ հագնված գիշերային թիթեռնիկներին: Դրա արդյուքնում սիրո աստվածուհիները ստիպված եղան տեղափոխվել Փարիզի կենտրոնի էլիտար հատվածներից դեպի ավելի խուլ ու չհսկվող ծայրամասեր:

Սեքս-արդյունաբերության արհմիության ներկայացուցիչները նշում էին, որ դրա պատճառով աղջիկների կյանքը վտանգի տակ է դրվել, քանի որ Ֆրանսիայում վերջին ժամանակներս շատացել են մարմնավաճառների վրա հարձակման դեպքերը: Իսկ մարմնավաճառներն իրենց հերթին բողոքում էին, որ հանցագործների ուշադրությունից խուսափելու համար ստիպված են ավելի պակաս արտահայտիչ հագուստ կրել, ինչը, բնական է, հանգեցնում է հաճախորդների քանակի պակասեցմանը:

Ֆրանսիայում կանանց իրավունքների հարցերով նախարար Նաջաթ Վալլո-Բելքասեմը հայտարարել է, որ նոր օրենքը կոչված է բարելավել մարմնավաճառների կյանքի պայմանները: Իհարկե, նախարարը նշել է, որ նախկին խիստ օրենքի լուծարումը չի նշանակում, որ մարմնավաճառության հարցում սոցիալիստների կուսակցության դիրքորոշումը փոխվել է: Նրա խոսքերով՝ իրենք որոշել են խնդրին այլ կողմից մոտենալ: Այսուհետ պատիժը կրելու են տղա մարմնավաճառների ծառայություններից օգտվել ցանկացող տղամարդիկ: Այժմ թեթև վարքի տեր կանանց հետ ժամանակ անցկացնող տղամարդիկ բռնվելու դեպքում ստիպված են լինելու 1000 եվրո տուգանք վճարել կամ կես տարի ճաղերի հետևում անցկացնել: