Հայաստանը ժողովրդավարության չափանիշներով գերազանցում է Ադրբեջանին. The Economist

The Economist Intelligence Unit բրիտանական հետազոտական կետրոնը, որը բրիտանական The Economist ամսագրի վերլուծական կենտրոնն է, աշխարհում ժողովրդավարության վիճակի մասին ամենամյա զեկույց է հրապարակել «Ժողովրդավարության ինդեքս» վերնագրով. գրում է Novostink-ը:

Համաձայն այդ հետազոտության՝ Հայաստանը գերազանցում է Ադրբեջանին բոլոր ցուցանիշներով: Հայաստանն ընդգրկվել է «խառը ռեժիմ» ունեցող պետությունների շարքում, իսկ Ադրբեջանն ավտորիտար ռեժիմ ունեցող երկների շարքին է դասվում: 167 երկրների վարկանշային աղյուսակում Հայաստանը 114-րդ հորիզոնականում է, իսկ Ադրբեջանը՝ 139-րդ:

Վարկանշային աղյուսակը կազմվել է 4 դասակարգով՝ ամբողջովին ժողովրդավար երկրներ, ոչ լիարժեք ժողովրդավար երկրներ, խառը ռեժիմով երկրներ և ավտորիտար երկրներ:

Հետազոտություններն անցկացվել են՝ ելնելով 5 բազային չափանիշներից, որոնց թվում՝ տարբեր երկրներում ընթացող ընտրական գործընթացը, կառավարության գործառական լինելը, քաղաքական մասնակցությունը, քաղաքական մշակույթն ու քաղաքացիական ազատությունները:

Լիարժեք ժողովրդավար դասակարգման աղյուսակում չի հայտնվել հետխորհրդային և ոչ մի պետություն: Ոչ լիարժեք ժողովրդավար երկրների շարքում հայտնվել են մերձբալթյան երկրները: Խառը ռեժիմ ունեցող դասակարգում են Ուկրաինան՝ 80-րդ, Վրաստանը՝ 93-րդ, Հայաստանը՝ 114-րդ հորիզոնականներով:

Ավտորիտար ռեժիմով երկրների ցուցակում են Ռուսաստանը՝ 122-րդ հորիզոնական, Բելառուսը՝ 141-րդ, և Ադրբեջանը՝ 139-րդ:

Մեր հարևաններից Թուրքիան 88-րդն է, իսկ Իրանը՝ 158-րդը:

Իսկ ամենաժողովրդավար պետության պատվավոր կոչումը կրում է Նորվեգիան, որին հաջորդում են Շվեդիան, Իսլանդիան, Դանիան, Նոր Զելանդիան, Ավստրալիան, Շվեյցարիան, Կանադան, Ֆինլանդիան, Նիդեռլանդները:

Ամենաքիչ ժողովրդավար ռեժիմ ունեցող երկիր է ճանաչվել Հյուսիասյին Կորեայի վարչակազմը: