Գերմանիայի կանցլեր Անգելա Մերկելին համեմատել են Հիտլերի հետ

Իսպանական խոշորագույն El Pais պարբերականում լույս է տեսել մի հոդված, որում լրագրող Ժուան Տորես Լոպեսը Գերմանիայի կանցլեր Անգելա Մերկելին համեմատել է Ադոլֆ Հիտլերի հետ: Հոդվածը վերնագրված է եղել «Գերմանիան ընդդեմ Եվրոպայի», որտեղ հեղինակը քննադատում է Գերմանիայի վարած քաղաքականությունը, նշելով, որ Գերմանիան պատրաստ է զոհել Եվրամիության շահերը հանուն սեփական բարօրության. տեղեկացնում է The Local-ը:

Հոդվածում նշված է, որ Մերկելը Հիտլերի նման պատերազմ է սկսել Եվրոպայի դեմ, որպեսզի պահպանի Գերանիայի համար կենսականորեն անհրաժեշտ տնտեսական տարածությունը:

Լրագրողի կարծիքով՝ Մերկելը պաշտպանում է Գերմանիայի խոշորագույն բանկերի և ընկերությունների շահերը, ինչից տուժում են Եվրոպայի բնակիչները: Հոդվածում նաև կանցլեր Մերկելը պատկերված է եղել Հիտլերի բեղերով:

Քննադատական հրապարակումը մեծ սկանդալ է առաջացրել Եվրոպայում, որի արդյունքում գերմանական իշխանությունների ճնշման ներքո իսպանական պարբերականը հեռացրել է հոդվածը իր կայքից, իսկ նրա ղեկավարությունը պաշտոնապես ներողություն է խնդրել Գերմանիայից, հայտարարելով, որ լրագրողի դիրքորորոշումը չի համընկնում խմբագրության տեսակետի հետ:

Իսպանացիները իրենց հերթին քննադատել են թերթի խմբագրությանը՝ ցուցաբերած թուլամորթության համար: