Րաֆֆի Հովհաննիսյանի հասցեին հայհոյանքներ տվողին բերման են ենթարկել

Մարտի 23-ին` ժամը 18.30-ին, ՀՀ ոստիկանության Երևան քաղաքի վարչության ՊՊԾ գնդի 4-րդ հատուկ գումարտակի 2-րդ վաշտի 1-ին դասակի ծառայողները Ազատության հրապարակից ոստիկանության Կենտրոնականի բաժին են ներկայացրել 1961 թ. ծնված Ղազար Ղ.-ին, որը նույն օրը, ժամը 18.30-ին, Ազատության հրապարակում բարձրաձայն հայհոյանքներ տալով «Ժառանգություն» կուսակցության նախագահ Րաֆֆի Հովհաննիսյանի հասցեին՝ հավաքված քաղաքացիներին հրելով վազել է նրա ուղղությամբ:

Հանգամանքները պարզվում են:

Կատարվում է հետաքննություն:

Նշենք, որ այսօր Րաֆֆի Հովհաննիսյանի շտաբը հայտարարություն էր տարածել, որով ոստիկանությանը կոչ էին անում անհապաղ բացահայտել կարգազանցի ինքնությունը, ինչպես նաև հանրությանը տեղեկացնել հարուցվելիք քրեական գործի բոլոր մանրամասները: