Տուժողը ՊԵԿ աշխատակիցն էր

Ի պատասխան shamshyan.com-ի, ինչպես նաև նույն կայքին հղում կատարած մյուս էլեկտրոնային լրատվամիջոցներում զետեղված «Խոշոր ավտովթարի մեղավորը Պետեկամուտների կոմիտեի աշխատակիցն էր» վերտառությամբ հրապարակումների, որոնց համաձայն, իբրև թե Պետական եկամուտների կոմիտեի աշխատակից Համբարձում Հովհաննիսյանը, վարելով Mercedes ML մակնիշի 33 TL 461 համարանիշի ավտոմեքենան, Երևան-Արտաշատ խճուղու Այնթափ գյուղի վարչական տարածքում բախվել է Զորիկ Պողոսյանի վարած «Վազ 21-09» մակնիշի 19 ՍՍ 683 համարանիշի ավտոմեքենային, անհրաժեշտ ենք համարում պարզաբանել, որ ՀՀ ԿԱ ՊԵԿ Մասիսի տարածքային հարկային տեսչության աշխատակիցը ոչ թե Mercedes ML մակնիշի ավտոմեքենայի վարորդ Համբարձում Հովհաննիսյանն է, այլ՝ «Վազ 21-09» մակնիշի ավտոմեքենայի վարորդ՝ Զորիկ Պողոսյանը, այսինքն՝ տուժող կողմը: